روح الحب

اهلا بي زيارة حضرتك ويارب المنتدى ينال شرف عناية سيادتكم
ولكى تتمكن من المشاركه فى المواضيع نرجوا التسجيل
روح الحب

يناقش كل ماهو جديد

منتدى روح الحب يرحب بكل الاعضاء الجدد ونتمنا ان ينال اعجابكم ادارة المنتدى Admin

المواضيع الأخيرة

» خلطه تحمير الدجاج
الأربعاء ديسمبر 15, 2010 11:53 am من طرف Admin

» كيف اكون جميلة بالخضروات والفاكهة
الأربعاء ديسمبر 15, 2010 11:31 am من طرف Admin

» أُحِبُّكِ
الجمعة ديسمبر 10, 2010 3:08 pm من طرف توتا

» اعرف علاجك بنفسك
الجمعة ديسمبر 03, 2010 6:46 pm من طرف طلة قمر

» كليمات اغنية(( بعون الله ))
الخميس سبتمبر 23, 2010 9:46 am من طرف عاشق مصر

» المجتمع من حولك كيف تجدينه .......واين انت منه؟
الخميس سبتمبر 23, 2010 9:44 am من طرف عاشق مصر

» كلمات لها معنى
الخميس سبتمبر 23, 2010 9:41 am من طرف عاشق مصر

» استطيع الحلم
الإثنين يوليو 12, 2010 12:20 pm من طرف طلة قمر

» ابتسم
الأحد يوليو 04, 2010 2:38 pm من طرف طلة قمر

التبادل الاعلاني

تصويت


    ياه لفة الطرحة دي عليكي تحفة

    شاطر
    avatar
    دودو على
    نائب المدير
    نائب المدير

    عدد المساهمات : 238
    تاريخ التسجيل : 16/08/2009
    العمر : 31

    ياه لفة الطرحة دي عليكي تحفة

    مُساهمة من طرف دودو على في الثلاثاء أغسطس 25, 2009 3:24 am

    السلام عليكم ورحمه الله
    ............



    ايون ايون الموضوع ده تخبيط في الحلل يعني حنقول كل اللي بيتقال عن شئ بيغير الاحوال


    بنات كتير دلوقتي بيلبسوا الحجاب الاسبونش
    او الخليجي او اي اسم


    وهي عبارة عن لفات للطرحة


    وكل وش طبعا في لفة بتليق عليه


    والبنانيت يقولوا لبعضهم
    ياه لفة الطرحة دي عليكي تحفة


    ياي
    جامدة موت اللفة دي ولون الايشارب ماشي مع الحزام اللي بيبرق مع البرموده مع الجزمة


    والانسيال اللي في رجلك ده حياكل منها حته ولفت نظر


    ولا انتي الشبشب ده والمونكير اللي في رجلك مخليها قمر وانتي قمر اصلا


    انتي ايه يا بنتي شوية البودرة دوول اللي عليكي دوول مخلينك زي البدر مافيش جمال بعد كده


    انتي بتروحي لكوافير مين عشان اروح معاكي واجيب اصحابي



    انتي زي العسل كده يابنتي وخديها نصيحة من صحبتك اللي بتحبك خليكي على الشكل ده كده , حتلاقي العرسان طوابير
    واكتر من طوابير العيش


    Smile



    طيب يا بنات هي ايه اللفة دي


    عبارة عن اي شكل بيتلف بيه الطرحة وفي كل الاحوال بيكون ملفت للنظر
    وممكن بنات تقول مش حيلفت النظر ده بقى شئ عادي


    حنقولها بيتهيئلك
    ده انتي عنيكي حتطلع على كل بنت عشان تشوفي ربطتها احلى ولا ربطتك
    ولو ربطتها جديدة تقلديها ولو ربطتك حلوة تستمر عليها


    طيب خدي بالك ان ده مش الحجاب اللي ربنا عايزك تكوني عليه


    انتي عارفه انك لما بتبيني جزء من ودنك ورقبتك وخصل مش شعرك بتغضبي ربنا وعداد سيئات شغال كل اللي يشوفك او تعجبيه او تلفتي نظره


    ولو كانت بنت زيك وقلدتك تاخدي ذنبها وذنب كل اللي يقلدك ويقلدها
    لانك كنتي السبب


    طيب اي ولد وشاب حيشوفوكي كده


    بنت زي الفل
    جميلة : ربنا وهبها جمال
    و
    جسمها حلو : ربنا وهبها الجسم ده وامرها بستره مش تجسيمه


    حيقول الله مافيش بعد كده
    وعينيه تزوغ عليكي


    بنت مافيش بعد كده مش محجبة خالص
    دي واحدة لبسه لبس موضة
    طرحة
    وباضي
    وحزام
    واكسسوارات
    وبنطلون برمودة
    او بنطلون ضيق
    و
    شبشب
    او جزمة بدون كعب
    او صندل


    والاضافات


    كيلو بودرة على الوش
    روج احمر ومتوفر بالوان اخرى حسب لون الباضي او الجزمة او الشنطة
    باضي ضيق اوي و محدد اجزاء الجسد كله
    وتحته بنطلون مجسم الجسم كله
    بالاضافة لصندل او شبشب والصوابع باينه صابع صابع والمنكير كتير بألوان متعددة
    ويعيني بقى على الاكسسورات وخصوصا النظارات و و و والحلقان والتاتوه والانسيال اللي في رجليها و و و كوكتيل كبير اوي


    وبعدين يغمز صاحبه شايف الصاروخ دي تيت ,,,,,,,,,,,,,,
    ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,


    شوفوا قد ايه كمية محذوفات من الكلام بكلمة تيت


    ده غير لما صاحب يقول لصاحبه او يتكلم جوه نفسه
    مش بيتكلم على بنت ممكن تكون اخته او مراته او حد من قرايبه


    بس حد يقول الحق مش عليه الحق عليها هي اللي عاملة في نفسها كده
    وحد يقول لأ دوول شباب عايزين قطم رقابيهم مش بيغضوا بصرهم
    وناس يردوا حاضر حاضر حنغض بصرنا
    وحد يقول ما كمان المحجات والمنقبات بيتعاكسوا وبيتحرشوا بيهم
    حنقولهم في ابتلاء من ربنا ليهم هل حيثبتوا ولا حييأسوا من رحمه ربنا مش البنت تقول انا كنت بطيعك واتبهدلك ودلوقتي آدي الحجاب مش لابساه تاني
    لأ
    ده ابتلاء والابتلاء يعني صبر والصبر ثوابه الجنه
    اصبري يا كل مغتصبة او متحرش بها لو حصلك ده يبقى ده ابتلاء وان شاء الله يزول وربنا يحفظك وماتقعيش فيه ابدا وانتي وكل بنت مسلمة او غير مسلمة


    واللي احنا فيه يا جماعة كله ابتلاء من ربنا
    والابتلاء لايأتي الا بذنب والذي يرفع الابتلاء توبه الي الله
    يعني لو توبنا لربنا عن كل ذنب


    سيختفي من حياتنا الآتي
    الخوف
    الرعب
    المضايقات
    التحرشات
    الكذب
    النفاق
    الرياء
    البلاء
    الغلاء


    والحياه حتبقى جميله والله والله والله والجنة حتبقى لينا ونعيم القبر بعد مانتوب توبه بجد وحقيقية
    والله والله والله والله والله والله
    وحيكون لينا ساعتها نصيب نشوف وجه الله

    .................................


    رايحة فين يا بنت؟؟


    ده اكيد سؤال أم


    رايحة اذاكر عند صاحبتي خارجة مع صاحبتي


    لماذا لا تسئل كل أم لماذا تغتصب الفتيات والمحجبات حجاب ليس بحجاب


    بصوا لنفسكم يا بنات في المرايا انتم زي الفل جوه البيت والبسوا اللي على مزاجكم بدون خروج عن آداب الاسلام ودوري على عورة الاب بالنسبة لبنته ولامها ولاخوها


    برة البيت يا بنانيت بقى
    عايزين تعرفوا ايه اللي ينفع يتلبس وايه اللي لأ


    اقرأوا شورط الحجاب وده الحجاب اللي تلبسوه برة البيت اما بقى جوه البيت قدام جوزك ابوكي امك اخوكي عمك خالك خالتك بنت خالتك بنت عمك جدك جددتك وضع تاني


    ودي شروط الحجاب مختصرة والشرح حيبقى من خلال اللينك اللي بعد الشروط حنقوله


    ـ أن يكون ساترا لجميع العورة


    ألا يكون زينة في نفسه، أو مبهرجا ذا ألوان جذابة تلفت الأنظار


    أن يكون سميكا لا يشف ما تحته من الجسم ، لأن الغرض من الحجاب الستر ، فإن لم يكن ساترا لا يسمى حجابا لأن لا يمنع الرؤية ، و لا يحجب النظر


    أن يكون فضفاضا غير ضيق ولا يجسم العورة ولا يظهر أماكن الفتنة في الجسم


    ألا يكون الثوب معطرا ،لأن فيه إثارة للرجال، فتعطر المرأة يجعلها في حكم الزانية


    ألا يكون الثوب فيه تشبه بالرجال ، أو مما يلبسه الرجال


    ألا تشبه زي الراهبات من أهل الكتاب ، أو زي الكافرات ، و ذلك لأن الشريعة الإسلامية نهت عن التشبه بالكفار ، و أمرت بمخالفة أهل الكتاب من الزي و الهيئة


    ألا يكون ثوب شهرة


    دي الشروط بالتفصيل
    http://www.al-hejab.com/sharee.htm

    ها يا بنانيت


    عايزين عداد حسنات يفضل شغال وانت احياء وبعد وفاتكم
    عشان كنتم بتطيعوا ربنا وبتلبسوا حجاب صح


    ولا عايزين اسبونش وحجات تغري الشباب وتشيلوا ذنب كل واحد يبصلكم وعداد السيئات يفضل شغال مدى الحياه ولحد يوم القيامة وتتخضوا من جبال السيئات


    حتقولوا احنا ماعملناش ذنوب كده وبالحجم ده


    حنقولك ماسمعتيش حديث رسول الله صلى الله عليه وسلم
    الدال على الخير كفاعله
    وايضا الدال على الشر كفاعله


    فكري كويس
    ابدأي
    غيري
    بدلي


    كله لله ولكي شئ وشكل يبقى ربنا راضي عنك وانتي فيه
    ...........................
    يا بنات يا شباب
    الموضوع ننشره عايزين رسول الله يفتخر بينا ويصدق علينا قول الله تعالى


    كنتم خير امة اخرجت للناس تأمرون بالمعروف وتنهون عن المنكر
    avatar
    Admin
    مدير المنتدى
    مدير المنتدى

    عدد المساهمات : 201
    تاريخ التسجيل : 15/08/2009
    العمر : 31
    الموقع : http://rohalhob142020.ahlamontada.net/

    رد: ياه لفة الطرحة دي عليكي تحفة

    مُساهمة من طرف Admin في الثلاثاء أغسطس 25, 2009 4:47 am

    بجد يادودو تسلم ايدك
    موضوع رائع رائع
    احيكى عليه ياقمرايه
    avatar
    عاشق مصر
    نائب المدير
    نائب المدير

    عدد المساهمات : 276
    تاريخ التسجيل : 18/08/2009
    العمر : 35
    الموقع : SHOEIB_ABOSAAD@YAHOO.COM

    رد: ياه لفة الطرحة دي عليكي تحفة

    مُساهمة من طرف عاشق مصر في الأربعاء أغسطس 26, 2009 3:49 am

    تســــــــــــــــــــــــــــــــــــــــــــــــــــــــــــلم ايدك على الموضوع الفوق رائع دا وياريت كل بنت تسمع الكلام دا وتعمل بيه علشان خاطر ربنا وعلشان الشباب كمان يقدروا يتغلبوا على شيطانهم , تسلم ايدك يا دودو على الموضوع الجميل وربنا يستر كل بنات المسلمين واخواتنا وانتوا كلكوا يارب بحيكي والله من كل قلبي على الموضوع دا تقبلي مني فائق الاحترام والتقدير cheers cheers
    avatar
    دودو على
    نائب المدير
    نائب المدير

    عدد المساهمات : 238
    تاريخ التسجيل : 16/08/2009
    العمر : 31

    رد: ياه لفة الطرحة دي عليكي تحفة

    مُساهمة من طرف دودو على في الأربعاء أغسطس 26, 2009 4:38 am

    شكرا ليكى يارباب منوره ياقمر
    شكرا عاشق وعلى الكلام الحلو ده بس يارب نكون بنستفيد من المواضيع دى
    اللهم اجعلنا ممن يستمعون القول فيتبعون احسنه
    ودى 17 فائده لغض البصر17 فائدة لـ : غض البصر

    1 : تخليص القلب من ألم الحسرة .

    2 : أنه يورث نوراً و إشراقاً في القلب يظهر في العين و الوجه و الجوارح و إطلاق البصر يورث ظلمة في الوجه و الجوارح .

    3 : أنه يورث صحة الفراسة

    4 : أنه يفتح له طرق العلم و أبوابه و يسهل عليه أسبابه و ذلك بسبب نور القلب .

    5 : أنه يورث القلب ثباتاً و شجاعة فيجعل له سلطان الحجة .

    6 : أنه يورث القلب سروراً و فرحاً و انشراحاً أعظم من اللذة و السرور الحاصل بالنظر .

    7 : أنه يخلص القلب من أسر الشهوة .

    8 : أنه يسد عنه باباً من أبواب جهنم .

    9 : أنه يقوي عقله و يزيده و يثبته.

    10 : يخلص القلب من سُكر الشهوة و رقدة الغفلة .

    11 : أنه امتثال لأمر الله الذي هو غاية سعادة العبد في معاشه و معاده .

    12 : أنه يمنع من وصول أثر السهم المسموم الذي لعل فيه هلاكه إلى قلبه .

    13 : أنه يورث القلب أنساً بالله و جمعه عليه .

    14 : أنه يقوي القلب و يفرحه .

    15 : أنه يسد على الشيطان مدخله إلى القلب .

    16 : أنه يفرغ القلب للفكرة في مصالحه و الاشتغال بها.

    17 : أن بين العين و القلب منفذاً و طريقاً يوجب انتقال أحدهما إلى الآخر و أن يصلح بصلاحه و يفسد بفساده.

    لمزيد من التفصيل في هذه الفوائد يُراجع كتابا : روض المحبين و نزهة المشتاقين ، الداء و الدواء . كلاهما لابن قيم الجوزية

      الوقت/التاريخ الآن هو الأحد نوفمبر 18, 2018 10:41 pm