روح الحب

اهلا بي زيارة حضرتك ويارب المنتدى ينال شرف عناية سيادتكم
ولكى تتمكن من المشاركه فى المواضيع نرجوا التسجيل
روح الحب

يناقش كل ماهو جديد

منتدى روح الحب يرحب بكل الاعضاء الجدد ونتمنا ان ينال اعجابكم ادارة المنتدى Admin

المواضيع الأخيرة

» خلطه تحمير الدجاج
الأربعاء ديسمبر 15, 2010 11:53 am من طرف Admin

» كيف اكون جميلة بالخضروات والفاكهة
الأربعاء ديسمبر 15, 2010 11:31 am من طرف Admin

» أُحِبُّكِ
الجمعة ديسمبر 10, 2010 3:08 pm من طرف توتا

» اعرف علاجك بنفسك
الجمعة ديسمبر 03, 2010 6:46 pm من طرف طلة قمر

» كليمات اغنية(( بعون الله ))
الخميس سبتمبر 23, 2010 9:46 am من طرف عاشق مصر

» المجتمع من حولك كيف تجدينه .......واين انت منه؟
الخميس سبتمبر 23, 2010 9:44 am من طرف عاشق مصر

» كلمات لها معنى
الخميس سبتمبر 23, 2010 9:41 am من طرف عاشق مصر

» استطيع الحلم
الإثنين يوليو 12, 2010 12:20 pm من طرف طلة قمر

» ابتسم
الأحد يوليو 04, 2010 2:38 pm من طرف طلة قمر

التبادل الاعلاني

تصويت


    أنا في حاجات خنقاني وكنت عاوز اقولها من زمان

    شاطر
    avatar
    عاشق مصر
    نائب المدير
    نائب المدير

    عدد المساهمات : 276
    تاريخ التسجيل : 18/08/2009
    العمر : 35
    الموقع : SHOEIB_ABOSAAD@YAHOO.COM

    أنا في حاجات خنقاني وكنت عاوز اقولها من زمان

    مُساهمة من طرف عاشق مصر في الأحد يونيو 13, 2010 12:39 am

    عجبني فنقلته


    أنا في حاجات خنقاني وكنت عاوز اقولها من زمان ممكن تخلي ناس تزعل مني او تعارضني لمجرد اني طرحت رأيي ، لكن النهارده قررت اقولها عشان حاسس ان ممكن الاقي في ناس زيي مخنوقه وعايزه تقول .


    اتخنقت جدا و أنا في الانترفيو بتاع شغلي الجديد والمدير بيسألني تنتخب مين للرئاسه وليه؟


    كان نفسي اقوله أبو تريكه اه متضخضش كده ابو تريكه عشان هو الوحيد اللي بيفرحنا بجد وبيخلينا نتجمهر ونخرج من بيوتنا بعد الماتشات عشان نقول تحيا مصر واللي مبنشوفش الشعب خارج من بيته وشايل أعلام مصر الا بعد ماتشات المنتخب .


    حتي في ماتشات الدوري واحده مالهاش في الكوره ورايحه اشتري حاجه من تحت وفجاه سمعت صوت عالي معرفش فين ((هييييييييييييييييييييييييه)) وافاجئ باللي جنبي بيقولي هو الاهلي بيلعب وبعدين يبتسم ويقولي يبقي اكيد تريكه جاب جون ويفرح كانه اترقي اوجاله جواب تعين او حتي نجح بتقدير عالي!!!!


    ********


    واتخنقت قوي لما كنت راكبه تاكسي وكان مشغل ابو الليف وانا كان هاين عليا افجر الكاسيت عشان مبحبش اسمع الفاظ (مؤرفه) ((خرونج_كاويرك))لاء واللي منرفزني انه نجح من اول شريط واللي بجد خنقني انه اللي كاتبها ((حد كان صدمه بالنسبالي)) وبعدين انا عمري ماسمع لواحد في 2010 بيقول علي النساء فاكهه المجتمع ونصف الدنيا يعني امهات وبنات وزوجات واخوات ((مجانين)) موش بزمتكوا من حقي ازعل!!!!


    ********


    ودمي اتحرق علي اللي مش دكتور وبيقدم برنامج طبي بيقول لواحد عريس قبل فرحه بكام يوم انه يكشف عن غشاء البكاره ببطاريه!!! ولو العروسه مرضيتش تبقي مضروبه!!! انا مغيرتش ولا حرف من اللي سمعته ده كلام يا عالم في حد يقول كده!!!!


    *****


    واللي فارسني وانا بركب ميكروباص عباسيه رمسيس ورايحه كليتي زي مابروح بقالي اربع سنين وادفع زي مابدفع جنيع وربع والاقي السواق يقولي بكل فظاظه ووقاحه جنيه ونص يا انسه قولتله هو انا راكبه مني باص ده ميكروباص وبعدين منا كل يوم بدفع كده راح مكشر ومزعق فوشي وقال لو موش عاجبك انزلي انتي موش ملاحظه ان البنزين غلي والدنيا غليت ؟؟!! مع نفسه كده راح مزود الاجره اللي مضايقني موش الربع الزياده اكيد بس بجد اتضايقت عشان اكتشفت ان في كائنات بشريه متطفله علي كائنات بشريه اخري وبتجبرك انك ترضخ لقوانينهم واستغلالهم!!!1


    *******


    حاجه كمان بقي دلوقتي الفنانه سميه الخشاب ممثله ولا مطربه ولا مذيعه ولا راقصه ولا ايه بالظبط


    ويسرا لما تقدم برنامج ومسلسل وفيلم وتغني وتعمل شريط وانا بصراحه موش مقتنعه بصوت ولا واحده منهم يبقي الاعلاميين والصحفيين يعملوا ايه لما بقي كل بيتدخل في شغل كله!!!


    ********


    وفي حاجه كمان معرفش ممكن تضحكم وممكن تزعلكم لما الاقي بنوته عندها 21 سنه زي القمر ومحجبه ورايحه عند دكتور نفساني عشان يعالجها من الاكتئاب اللي كان سببه واحد حبته ووثقت فيه وسابها بعد ماكسر قلبها واحد هيرد يقولي طب ماعادي يعني هقوله اسمع الباقي اللي كسر قلبها ده كان قريبها ابن خالتها او ابن عمتها يعني موش بس كسر قلبها لاء ده ضرب سمعتها في العيله هيرد عليا نفس الشخص ويقولي وماله ياستي بتحصل هقوله اذا مكانش قرايبك واهلك يخافوا عليك الغرب بقي هيقدروك ولا يرحموك!!!!


    *********


    أنا مضايقني حاجه كما اغلبيه الرجال موش رجال قد كلامهم بقو اشباه رجال ولا البنات بقوا يفقتقدوا الي الانوثه والرقه وبقوا يقلدوا الصبيان حتي في شرب الشيشه والسجاير ويقولك احنا فزمن فيه البنت زي الولد!!!!!!


    *********


    اخر حاجه هكتبها بس موش اخر حاجه مضايقاني الجروبات والجماعه اللي عمالين يقولو مصر حلوه وفيها سياحه والجو جميل وخفرع وخوفو ورمسيس والجوامع والعماره.... ماعترضتش والله جميل ان انا اهتم بده بس موش طول النهار هفضل اسلط الضوء علي ده واسيب الشباب اللي قاعدين علي القهوه شايلين شهاداتهم ومستنين الفرج والمسنين اللي موش عارفين يصرفوا معاشاتهم ولا البلاوي اللي بتحصل كل يوم محدش بيعمل حاجه غير يمط شفته (دليل علي الدهشه) ويقفل الجورنال ويسكت ولا طلبه الحقوق اللي بيتخرجوا عشان يبقي سواق ميكروباص ولا تمرجي اد الدنيا لايعرف يتجوز ولا حتي يصرف علي نفسه وكله كوم وخريجين كليه طب كوم اللي بعد سبع سنين يتخرج من كليته يتمرمط هنا وهناك عشان خاطر 250 جنيه!!! بس ابقي اسئله بقي هو عشان يتعلم طب صرف اد ايه!!!!!


    انا اسفه ان كان كلامي سلبي ولا يزعل بس دي حاجات مضايقاني وحبيت افضفضلكوا ومحدش يزعل من اللي بيقروا لو كنت اتكلمت عنه جوه الموضوع ده عشان انا مقصدتوش!!!!
    avatar
    دودو على
    نائب المدير
    نائب المدير

    عدد المساهمات : 238
    تاريخ التسجيل : 16/08/2009
    العمر : 31

    رد: أنا في حاجات خنقاني وكنت عاوز اقولها من زمان

    مُساهمة من طرف دودو على في الأحد يونيو 13, 2010 3:15 am

    تصدق انك قولت كل الى فى نفسى وكان خانقنى

    مشكوووووووووووووووووور


    ــــــــــــــــــــــــــــــــــــــــــ
    اللهم أجعل القرآن الكريم لنا في الدنيا قرينا .. وفي القبر مؤنساً

    وعلى الصراط نوراً وفي القيامة شفيعاً وإلى الجنة رفيقاً

    ومن النار ستراً وحجاباً وإلى الخيرات كلها دليلاً وإماماً

    بفضلك وجودك يا أكرم الأكرمين
    avatar
    Admin
    مدير المنتدى
    مدير المنتدى

    عدد المساهمات : 201
    تاريخ التسجيل : 15/08/2009
    العمر : 31
    الموقع : http://rohalhob142020.ahlamontada.net/

    رد: أنا في حاجات خنقاني وكنت عاوز اقولها من زمان

    مُساهمة من طرف Admin في الأحد يونيو 13, 2010 5:15 am

    رائع
    للاسف كل الكلام ده موجود بالفعل

    مشكور عاشق


    ــــــــــــــــــــــــــــــــــــــــــ
    محبش اخد اوامرى من حد لان سيفى زى الحد

    طول عمرى جد الجد وكرامتى دايما لفوق

    بحب الى يعاملنى بذوق

    لكن الى يدوس عليا اشيله انا من عنيا

    ومهما حصل من تصدع وشروخ هتفضل (بوبه) عاليه بشموخ
    [b]
    avatar
    توتا
    مشرف عام
    مشرف عام

    عدد المساهمات : 307
    تاريخ التسجيل : 18/03/2010
    العمر : 29

    رد: أنا في حاجات خنقاني وكنت عاوز اقولها من زمان

    مُساهمة من طرف توتا في الأحد يونيو 13, 2010 4:28 pm

    هههههههههههههه
    موضوع جميله مشكور وعلى فكرة فى اكتر من كدة والله وبيحصل والواحد بيعلق بالضحك هنعمل اية اكتر من كدة
    avatar
    عاشق مصر
    نائب المدير
    نائب المدير

    عدد المساهمات : 276
    تاريخ التسجيل : 18/08/2009
    العمر : 35
    الموقع : SHOEIB_ABOSAAD@YAHOO.COM

    رد: أنا في حاجات خنقاني وكنت عاوز اقولها من زمان

    مُساهمة من طرف عاشق مصر في السبت يونيو 19, 2010 1:42 pm

    شكر ا على مرورك الجميل يا جماعه وردكم الاجمل

      الوقت/التاريخ الآن هو الأحد نوفمبر 18, 2018 9:51 pm